واش خبز الدار ياكلوا البراني؟ مستشفى خاص فالمغرب يعلن عن توظيف 800 ممرضة مصرية بدلًا من الاهتمام بالممرضات المغربيات”
بــقـلـم : هــاجــر القــاســـمـي
كيفاش مستشفى خاص فالمغرب كيعلن على حملة توظيف ضخمة لـ 800 ممرضة مصرية؟ علاش ما نركزوش على تطوير الكفاءات المحلية قبل ما نجيبوا من الخارج؟ واش المغرب ما عندو ممرضات مؤهلات باش يشتغلو فالمستشفيات ديالنا؟ هذا القرار كيطرح أكثر من تساؤل وكيبين لنا واش فعلاً عندنا سياسة واضحة لتطوير القطاع الصحي المحلي ولا غادي نبقاو نسترزقو بالخبرات الأجنبية؟
الرأي العام كيطرح أسئلة حول هاد العرض: علاش الراتب للممرضات المصريات يوصل لـ 10,000 درهم زائد 2,000 درهم سكن؟ واش حنا مابقيناش قادرين نوفرو فرص شغل مناسبة للممرضات المغربيات اللي كيعانيو من البطالة؟ هذا القرار ماشي غير تساؤل على النقص في الكفاءات بل كيعكس غياب الاستثمارات الحقيقية في الموارد البشرية المحلية.
هل المغرب يفتقر فعلاً للكفاءات الطبية؟ أو واش هاد الخطوة مجرد محاولة لملء الفراغ بسرعة دون النظر للمستقبل؟ القطاع الصحي فالمغرب لمزال تيعاني من العديد من المشاكل ومع ذلك الحلول جاية من الخارج بدلًا من الاهتمام بتدريب وتطوير القدرات المحلية.
هادي هي الحقيقة المرة: ما خصناش نعتمدوا على استيراد الكفاءات الصحية من الخارج إلا ما كنا قادرين على الاستثمار في التعليم والتدريب المحلي راه بزاف ديال خريجي معاهد التمريض ملقاوش خدمة أش هاد العبث .
