فضيحة من العيار الثقيل بمدينة فاس .. شكون لي هرب سارة خضار للإمارات؟
بــقـلـم : هــاجــر القــاســـمـي
واش غادي تعترف بشون عاونها؟المدينة العلمية كاتعيش على صفيح ساخن وحزب الاحرار بفاس تحت المجهر هناك زلزال سياسي وقضائي قريب يهز أركان المشهد السياسي بفاس …ملفات ثقيلة كتعمر الكواليس وأسماء كبار فالميدان السياسي والاقتصادي مهددين بالسقوط الحر.
القضية ماشي مجرد إشاعات ولا بوز “سارة خضار” رجعات لمغرب بعد تسليمها من الإمارات العربية المتحدة وكتسناها تحقيقات صارمة قدام النيابة العامة بفاس الشقة المشبوهة بطريق عين الشقف وفندق “ماريوت” ولاو عناوين الفساد والصفقات المشبوهة.
اللي مخلي القضية على صفيح ساخن هو أن التحقيقات ما غاديش توقف غير عند سارة خضار فقط و إنما أسماء سياسيين نافذين ومسؤولين كبار بدات تخرج على السطح.. كاينين اللي كانو حاضرين فجلسات سرية عنوانها “استغلال النفوذ والفساد الأخلاقي” وهادشي اللي خلا القضية تتحول لقنبلة موقوتة بالعاصمة العلمية و السؤال اللي كايدور دابا هو: شكون ساعد سارة باش تهرب؟ واش غادي تكون عندها الجرأة وتعترف؟
راه فاش طاح البوصيري والفايق فالسابق كانت سارة تحت المجهر كيفاش وعلاش هدشي لغادي نعرفوووه فالايام الجاية و اليوم كاين تساؤلات كبيرة واش القضاء غادي يكون صارم فمتابعة باقي الأسماء اللي كانوا كايظنو راسهم فوق القانون ؟
مصادر قضائية كتقول باللي هاد القضية ماشي مجرد سينما بل بداية ديال حملة تنظيف شاملة غادي تطيح برؤوس كتحسب راسها دايرة الحصانة.هل فعلاً غادي يشوف المغاربة محاكمات تاريخية تن
هي عقود ديال الفساد السياسي ففاس؟ واش هاد الرؤوس الثقيلة غادي تخلص الثمن ديال تجاوزاتها؟الأيام الجاية غادي تكشف المستور وفضائح جديدة غادي تزيد تشعل هاد الملف اللي كلشي مستني يعرف النهاية ديالو…. يتتبع
