160×600 Left
160×600 Left

هذه حقيقة مول الكاسكيطة لي دربها بسكرة و جاه الفايسبوك حلو

علاش تيفي

لا حديث في الأوساط السطاتية إلا عن محمد السكاكي، الملقب ب”مول الكاسكيطة”، لي ضربها بسكرة البارح حتى تلفات لي الحلوفة و بانت ليه في التأطير و إعطاء الدروس للمغاربة مع نص الليل…صاحبنا دار واحد المباشر و دار فيها واعظ و مؤطر كبير، و نسا بلي كلشي عارفو محتال و نصاب ذو سوابق.

فمول الكاسكيطة معروف ب”التخلويض و التنوعير” بمدينة سطات، فهو “سكاكري كبير”، يعني نصاب محترف، كما يحلو للسطاتيين أن يسموه، حيث موالف كيستعمل الصفحة الفيسبوكية ديالو ك”كاسكيطة” لإخفاء مصائبه و مهاجمة لي جا في الطريق، و كينصب بيها على عباد الله، من خلال تقديم نفسه ك “بودكاستر اجتماعي” وهو ما يسهل عليه عمليات النصب على لي مازال ما عاقش بيه.

هاد “البودكاستر الواعر” ليس إلا مجرد نصاب يدير صفحة فايسبوكية متخصصة في الابتزاز و النصب و الاحتيال، و من منا لا يتذكر المتابعة القضائية لي صدرات في حقو سنة 2017 من طرف المحكمة الابتدائية بسطات، لي تابعات مول الكاسكيطة في حالة اعتقال بتهمة النصب والابتزاز والتهديد بنشر صور إباحية والتحريض على الدعارة وإهانة الضابطة القضائية.

وكانو المغاربة اطلعو على فيديو مسرب داير في الواتساب، لي عرف انتشار كبير، كيوثق لاعترافات مول الكاسكيطة بالنصب والاحتيال والخيانة الزوجية، في الوقت لي كان كيتعاير و يتبادل الاتهامات، على الفايسبوك، مع المغني الشعبي عادل الميلود.

في هاد الفيديو مول الكاسكيطة جبد شي عيالات (نساء) من الشمال واتهمهم بلي حتاجزوه. من بعد ما دار الفيديو مزيان، انتقلو هاد النساء من شمال المغرب إلى سطات لتسجيل شكاية ضد مول الكاسكيطة، كيتهموه من خلالها بالتهديد بنشر صور إباحية فاضحة كتخصهم.

عناصر الأمن بسطات قامت بإشعار النيابة العامة بهاد الروينة لي بدروها عطات تعليماتها للضابطة القضائية من أجل الاستماع والتقديم بخصوص شكاية النساء لي جاو من شمال المغرب، بالإضافة إلى ما يفوق 10 شكايات أخرى تقدّمو بها أصحابها من مناطق مختلفة من المغرب، كيتهمو فيها مول الكاسكيطة بالنصب والاحتيال والابتزاز، وغيرها من التّهم.

وبعد إحالة “مول الكاسكيطة” على قاضي التحقيق والاستماع إليه في مواجهة 4 ديال نساء، قرر قاضي التحقيق متابعة السكاكي في حالة اعتقال قبل ما يحطوه في حبس علي مومن.

وللتذكير فمحمّد السكاكي، المعروف عبر مواقع التواصل الاجتماعي بـ”مول الكاسكيطة”، يقطن بمدينة سطات، ومتزوج و عندو جوج دراري، و عندو سوابق في النصب و الاحتيال في حق بزااااف ديال المواطنين.

قد يعجبك ايضا

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد