صفرو.. عصابة تستدرجوا فلاح معروف وصوره عاريان باش يبتزوه.
انطلقت زوال أمس الخميس جلسة محاكمة جوج متهمين بيناتهم مرا أمام غرفة الجنح التلبسية بالمحكمة الابتدائية بصفرو، بعد تورطهم فـ قضية استدراج واحتجاز فلاح معروف قبل ابتزازه.
وحسب مصادر إعلامية وجهات النيابة العامة للمتهمة الأولى تهم النصب و السرقة و الفساد و المشاركة في الخيانة الزوجية و التهديد بإفشاء أمور شائنة و وإهانة الضابطة القضائية عن طريق التبليغ عن جريمة كتعرف مزيان أنها ما وقعاتش.
أما المتهم الثاني (ا.م) اللي كاين هو حتى هو رهن الاعتقال الاحتياطي فتوبع بتهم السرقة محاولة الحصول على الفلوس بالتهديد بإفشاء أمور شائنة والمشاركة فالنصب.مصادر مطلعة أكدت أن الضحية وهو راجل متزوج طاح فكمين محكم بعدما استدرجوه المتهمين لواحد الدار باش يحتجزوهو يسرقوه ومن بعد يبتزوه.
نفس المصادر قالت أن المتهمة الرئيسية فهاد القضية (ك.ش) كانت كتواصل مع الضحية بزاف عبر الهاتف وقبل ما تصوروه فحالة مخلة بالحياء، باش تجبرو يعطيهم فلوس بعدما هدوه بالصور والفيديوهات المبلغ اللي وصل لأكثر من 5 مليون سنتيم.
التحقيقات مازال مستمرة من طرف البوليس القضائي فصفرو اللي قدروا يوصلوا لهوية متهمة ثالثة اللي تأكد تورطها فهاد الملف وكاين تحركات مكثفة باش يشدوها و تحاسب على أفعالها .
