محكمة فالقنيطرة تبرئ متهمين فـ قضية خيانة زوجية رغم فيديو يوثق تبادل القبلات فوق السرير .
تحـــريـــر : هــاجــر القــاســـمـي
محكمة ابتدائية فالقنيطرة فاجأت الرأي العام بقرارها ببراءة رجل متزوج وامرأة من تهمة الخيانة الزوجية رغم أن الزوجين اعترفوا بتبادل القبل وكان عندهم حتى فيديو كيوثق الحالة ديالهم فسرير واحد لكن الحكم هاد المرة خلق نقاش واسع على المعايير القانونية باش يتثبت هاد النوع من القضايا فالقانون المغربي.
القضية شدات الأنظار لأن المحكمة اعتبرت أن الفيديو مكيعتبرش دليل كافي لإثبات الجريمة وقالات أن الأدلة اللي عندهم ماكتوافقش مع الشروط القانونية بحال محضر رسمي فحالة التلبس ولا اعترافات مكتوبة أو قضائية وهادشي فالفصل 493 من القانون الجنائي اللي كيتطلب وسائل إثبات محددة باش يتأكدوا من الخيانة الزوجية.ا
لحكم لي خلا آراء مختلفة بين الناس: كاينين اللي شافوها تطبيق صارم للقانون بحال ما هو مكتوب ولكن فالمقابل كاينين اللي انتقدو الطريقة اللي تم التعامل بها مع الأدلة خصوصًا مع التطور ديال التكنولوجيا اللي ولا يمكن الاستغناء عليها الناس كيطالبوا بمراجعة قانونية باش تتواكب مع التغيرات اللي كاينين فالمجتمع وكيفية إثبات الجرائم بحال هادي فالعصر الحالي.
