علاش ضارب الطم؟! .. بعد 24 ساعة على حذف فيلم نايضة من يوتيوب.. سعيد الناصيري ساكت ومكاين حتى تفسير!
”دازت أزيد من 24 ساعة على حذف فيلم نايضة من منصة يوتيوب وهادشي بلا ما يعطي الممثل والمخرج سعيد الناصيري أي توضيح على سبب هاد القرار المفاجئ ، الفيلم اللي كان حظى بمتابعة كبيرة اختفى فجأة من القناة الرسمية، وهادشي خلا الجمهور كيتساءل: علاش؟مجموعة من المواقع الصحافية حاولات توصل للناصيري باش تعطي للمتابعين جواب على هاد الحذف الغريب لكن لحدود الساعة الناصيري بقا ساكت ومكشفش الأسباب.
هاد الصمت زاد من الغموض خصوصاً أن الفيلم كان كيتعتبر واحد من الأعمال اللي أثارت انتباه المتابعين وكان عليه نقاش واسع فوسائل التواصل الاجتماعي.هاد الوضعية خلات الجمهور كيدير تكهنات مختلفة، كاين اللي كيقول يمكن يكون مشكل حقوقي أو قانوني هو السبب، وكاين اللي كيشوف أن الناصيري قرر يعيد طرح الفيلم بطريقة جديدة.
لكن الحقيقة بقات غامضة، حيث حتى الآن الناصيري ما خرج حتى تصريح رسمي كيشرح فيه الموقف ، الجمهور ديال الفيلم كيتسنى بشوق أي جديد حول هاد الموضوع، وكيأمل أن سعيد الناصيري يوضح الأسباب في أقرب وقت باش تنتهي هاد التساؤلات الكثيرة اللي كتحوم حول العمل.
